Ruha (Rûdaw) - Li navçeya Sirûcê ya parêzgeha Rihayê ya Bakurê Kurdistanê, malbateke hejar û xizan a berî çend rojan agir bi mala wan ketibû daxwaza alîkariyê dike.
Li Taxa Sarayaltiyê ya navçeya Sirûcê ya Rihayê 25ê Hezîrana 2024an agir bi mala Mehmet Tavas ket û hemû kelûpelên di nav malê de şewitîn.
Mehmet Tavas dîmenên mala xwe ji Rûdawê re şandin û ji xêrxwazan daxwaza alîkariyê kir.
5 zarokên Mehmet Tavas hene.
Mehmet Tavas eşkere kir ku di nav de rihela keça wî ya ku dê di demeke nêzîk bûbûya bûk hemû kelûpelên wan şewitîne û tiştekî wan nemaye.
Mehmet Tavas nû ji girtîgehê derketiye û bi malbata xwe re di nav erdên çandiniyê de wekî karker dixebitin.
25ê Hezîrana 2024an dema ku hemû malbata Tavas li ser erdên çandiniyê dixebitîn û ne li mal bûn, ji ber germbûna şartêla elektrîkê agir bi mala wan ketibû û hemû tiştên wan şewitîbûn.
Agir ji aliyê tîmên agirvemirandinê yên şaredariyê ve hatibû vemirandin.
