Hewlêr (Rûdaw) - Wezareta Parastinê ya Tirkiyeyê ragihand ku li Başûrê Kurdistanê leşkerekî wan hatiye kuştin.
Li gorî daxuyaniya Wezaretê, gerîlayên PKKyê li herêma Zap-Avaşînê bi ser baregeha leşkeran de girtiye.
Di çalakiya gerîlayan de leşkerê wan ê bi navê Maşallah Abakay hatiye kuştin.
Wezareta Parastinê ya Tirkiyeyê da zanîn ku Maşallah Abakay îro hatiye kuştin.
“Operasyona Pence-Kilîdê”
Artêşa Tirkiyeyê 17ê Nîsana 2022yan li deverên Zap, Avaşîn û Metînayê yên Başûrê Kurdistanê bi hinceta gerîlayên PKKyê dest bi êrişeke bi navê “Operasyona Pence-Kilîdê” kir û ew êriş heta niha jî berdewam dike.
