Hewlêr (Rûdaw) - Rêveberiya Xweser a Rojavayê Kurdistanê du endamên ENKSyê serbest berdan.
Du endamên Partiya Demokrat a Kurdistanê ya Sûriyeyê (PDK-S) û Partiya Gel a Kurdistanî ku di nava ENKSyê de cih digirin hatin berdan.
Asayîşa Rêveberiya Xweser endamê PDK-Syê Ehmed Sofî û endamê Partiya Gel a Kurdistanî Husam Dursun serbest berdan.
Husam Dursun, li Dêrikê 1ê Nîsana îsal ji aliyê asayîşê ve hatibû girtin.
Ehmed Sofî jî ku di nava medyaya PDK-Syê de kar dikir, roja 2yê Nîsana îsal hatibû girtin.
