Hewlêr (Rûdaw) - Li parêzgeha Sêwazê ya Bakurê Kurdistanê bi hêza 4,7 pileyan û bi hêza 4,1 pileyan du erdhej li pey hev çêbûn.
Serokatiya Rêveberiya Karesat û Rewşên Bilez a Tirkiyeyê (AFAD) ragihand ku îro li Sêwazê du erdhej çêbûn.
Li gorî AFADê, erdheja yekem demjimêr 11:29ê çêbûye û hêza wê 4,7 pile bûye.
AFADê ragihand ku kûrahiya erdhejê 10,57 kîlometre bûye.
Erdheja duyem jî demjimêr 11:39ê çêbûye û hêza wê 4,1 pile bûye.
Kûrahiya wê erdhejê jî 22,97 kîlometre bûye.
Li aliyê din, derbarê zererên erdhejê de heta niha ti agahî nehatine belavkirin.
