Hewlêr (Rûdaw) - Serdozgeriya Komarê ya Stenbolê bi tohmeta ku heqaret li Serokkomarê Tirkiyeyê kiriye li Kemal Kiliçdaroglu doz vekir.
Serokê berê yê CHPyê Kemal Kiliçdaroglu li ser hesabê xwe yê medyaya civakî derbarê rojeva “Çeteya Yenîdoganê” de peyamek belav kir.
Peyama Kiliçdaroglu bi “Lanet li te û sîstema ku te ava kiriye be” dest pê dike.
Li ser vê yekê Serdozgeriya Komarê ya Stenbolê bi hinceta ku “bi eşkere heqaret li Serokkomar” kiriye lêpirsîn da destpêkirin.
Serokê berê yê CHPyê Kemal Kiliçdaroglu di peyama xwe de parvekirineke Erdogan jî belav kiribû û gotibû:
"Lanet li te û sîstema ku te avakiriye be. Bi destê çeteya pêncan li pereyên milet, bi destê baronên madeyên hişbir li ciwan û siberoja me, kujerên ku te bi destê darazê berdan ji bo can û namûsa jin û zarokên me bûne bela."
Beriya niha jî çend caran bi hinceta "heqareta li Erdogan" li dijî Kiliçdaroglu doz hatibûn vekirin û daxwaza cezayê pereyan hatibû kirin.
Lanet olsun sana ve kurduğun düzene…
— Kemal Kılıçdaroğlu (@kilicdarogluk) October 18, 2024
5'li çeteler eliyle milletin parasına,
Uyuşturucu baronlarının eliyle gençlerimize ve geleceğimize,
Bozduğun ve kontrolün altına aldığın yargı eliyle dışarı saldığın katiller, çocuklarımızın ve kadınlarımızın canına ve ırzına bela oldu.… https://t.co/PEauZ8p6If
