Hewlêr (Rûdaw) - Li navçeya Qirqamîşê ya parêzgeha Dîlokê ya Bakurê Kurdistanê otomobîlek qulibî, 3 ciwan mirin û 2 ciwan jî birîndar bûn.
Li gorî agahiyan, otomobîla bi plakaya 41 TY 602 ya ku H.T. (23) diajot li taxa Alaçaliyê ji rê derket û qulibî.
Li ser îxbarê gelek ambulans û cendirme çûn cihê bûyerê.
5 kes bi midaxeleya tîman ji otomobîlê hatin derxistin.
Hat tesbîtkirin ku A.O. (32), T.B.T. (29) û Î.G. (27) mirine.
Tîmên tenduristiyê ajokar û Y.A. (30) jî bi birîndarî gihandin Nexweşxaneya Dewletê ya Bêlqisê.
