Hewlêr (Rûdaw) - Mezlûm Ebdî li ser ketina Beşar Esed got, “Em dibin şahidên ketina rejîma otorîter a li Şamê û em li Sûriyeyê kêliyên dîrokî dijîn.”
Heyeta Tehrîr El Şamê ragihand ku wan Şama paytexta Sûriyeyê kontrol kiriye û Serokê Sûriyeyê Beşar Esed reviyaye.
Fermandarê Giştî yê Hêzên Sûriyeya Demokratîk (HSD) Mezlûm Ebdî piştî van rûdanan bi rêya hesabê xwe yê Xê daxuyaniyek belav kir.
“Ev guherîn derfetek e”
Mezlûm Ebdî diyar kir ku rûxîna rejîma Esed ji bo avakirina Sûriyeyeke nû derfetek e û got:
“Em dibin şahidên ketina rejîma otorîter a li Şamê û em li Sûriyeyê kêliyên dîrokî dijîn.
Ev guherîn ji bo avakirina Sûriyeyeke nû ya ku mafên hemû Sûriyeyiyan garantî dike û xwe disipêre demokrasî û edaletê derfetek e.”
نعيش في سوريا لحظات تاريخية ونحن نشهد سقوط النظام الاستبدادي في دمشق.
— Mazloum Abdî مظلوم عبدي (@MazloumAbdi) December 8, 2024
هذا التغيير فرصة لبناء سوريا جديدة قائمة على الديمقراطية والعدالة تضمن حقوق جميع السوريين.
