Hewlêr (Rûdaw) - Li parêzgeha Mêrdînê ya Bakurê Kurdistanê hemû cure çalakiyên wekî meş, civîn û xwepêşandan hefteyekê hatin qedexekirin.
Parêzgariya Mêrdînê bi daxuyaniyekê qedexeya çalakiyan ragihand.
Parêzgariyê da zanîn ku li Mêrdînê û navçeyên wê ji bilî çalakiyên ji aliyê parêzgariyê û qaymeqamtiyê ve destûr tê dayîn, hemû çalakî yên wekî civîn, meş, daxuyaniyên medyayê, grevên birçîbûnê, çalakiyên rûniştinê, mîtîng, vekirina standan, vedana konan, belavkirina belavokan, daliqandina pankartan û çalakiyên bi vî awayî yên li qadên vekirî hefteyekê hatine qedexekirin.
Li gorî parêzgariyê qedexeyê îro saet 13:00an dest pê kiriye û heta roja 19ê Kanûna Pêşîn saet 23:59an dê berdewam dike.
Li parêzgehên Riha û Şirnexê yên Bakurê Kurdistanê jî qedexeya çalakiyan hatibû ragihandin.
