Hewlêr (Rûdaw) – Fermandarê Giştî yê HSDyê Mezlûm Ebdî piştî civîna bi Serok Mesûd Barzanî re vegeriya Rojavayê Kurdistanê.
Serok Mesûd Barzanî û Fermandarê Giştî yê Hêzên Sûriyeya Demokratîk (HSD) Mezlûm Ebdî îro li navçeya Pîrmamê ya Hewlêrê civiyan.
Li gorî agahiyên Rûdawê, Mezlûm Ebdî û şandeya pê re piştî civînê vegeriyan Rojavayê Kurdistanê.
Endamê Boruya Siyasî ya Partiya Demokrat a Kurdistanê (PDK) Hoşyar Zêbarî li ser hesabê xwe yê Xê ragihandibû ku Serok Mesûd Barzanî û Fermandarê Giştî yê Hêzên Sûriyeya Demokratîk (HSD) Mezlûm Ebdî civiyane.
Baregeha Barzanî li ser civîna Serok Barzanî û Mezlûm Ebdî daxuyaniyek belav kir û got:
“Di vê hevdîtinê de rewşa Sûriyeyê û pêşhatên dawî yên ewlehî û siyasî yên Sûriyeyê û her wiha çarçoveya giştî ya têkiliyên aliyên Kurdî bi rewşa nû ya Sûriyeyê re û çawaniya helwesteke hevbeş a aliyên Kurdî yên Sûriyeyê hatin nirxandin.”
Nûnerê Serok Mesûd Barzanî, Dr. Hemîd Derbendî roja duşemê çûbû Rojavayê Kurdistanê û li Hesekê bi Mezlûm Ebdî re civiyabû.
Medyaya nêzîkî Hêzên Sûriyeya Demokratîk belav kir ku Mezlûm Ebdî spasiya peyam û piştgiriya Serok Barzanî kiriye û tekezî li ser wê yekê kiriye ku di qonaxa niha de pêwîstî bi yekkirina hewlên di navbera aliyên Kurdî de heye.
#VÎDEO - Serok Mesûd Barzanî û Fermandarê Giştî yê Hêzên Sûriyeya Demokratîk (HSD) Mezlûm Ebdî li Hewlêrê civiyan
— RudawKurdi (@RudawKurdi) January 16, 2025
Mezlûm Ebdî piştî civînê vegeriya Rojavayê Kurdistanê#Rojava #Barzanî #Kurdistan pic.twitter.com/tZnegRuGvA
