Hewlêr (Rûdaw) - Li nahiyeya Sirînê ya bajarê Kobaniyê yê Rojavayê Kurdistanê di bombebarana Tirkiyeyê de herî kêm 8 kesan canê xwe ji dest da.
Droneke Tirkiyeyê îro berê êvarê nahiyeya Sirînê ya li rojavayê Kobaniyê bombebaran kir.
Li gorî nûçeya ANHayê, di encama bombebaranê de herî kêm 8 sivîlan canê xwe ji dest da û 20 kes jî birîndar bûne.
Heta niha ne ji aliyê berpirsên Rojavayê Kurdistanê û nê jî aliyê Tirkiyeyê li ser mijarê ti daxuyaniyên fermî nehatine belavkirin.
Li aliyê din, artêşa Tirkiyeyê gundê Um Hermel ê Zirganê yê li bakurê Hisîçayê topbaran kir.
Di encama wê topbaranê de jî 3 kesan canê xwe ji dest da û 8 kes jî birîndar bûn.
Artêşa Tirkiyeyê di van rojên dawî de li Başûr û Rojavayê Kurdistanê zêde kirine.
Doh li Başûrê Kurdistanê di du êrişên cuda ên Tirkiyeyê 6 kesan canê xwe ji dest dabû.
