Hewlêr (Rûdaw) - Hunermendê navdar Mem Ararat ji bo hilbijartina dersa Kurdî bangir û got, “Dostno divê em Kurdî hilbijêrin. Kurdbûn bêyî Kurdî nabe!”
Serlêdanên ji bo dersên zaravayên Kurmancî û Kirmanckî yên Kurdî dê heta 17ê Sibatê berdewam bikin.
Li dibistanên fermî yên girêdayî Wezareta Perwerdeyê ya Tirkiyeyê di nav dersên nemecbûrî de zaravayên Kurmancî û Kirmanckî yên Kurdî jî hene.
Xwedekarên polên 5, 6, 7 û 8an dikarin heta 17ê Sibatê dersên Kurdî hilbijêrin.
“Dostno divê em Kurdî hilbijêrin”
Hunermend Mem Ararat bi rêya hesabê xwe yê Xê banga hilbijartina dersên Kurdî kir û got:
“Çawa ruhên mirovan hene, ruhên neteweyan jî hene.
Bi min ruhê neteweyan ziman û çanda neteweyan e. Dema ziman dimire çand jî dimire û dîrok tenê dibe rûpelekî ji pirtûkan.
Dostno divê em Kurdî hilbijêrin.
Kurdbûn bêyî Kurdî nabe!”
Çawa ruhê mirovan hene,ruhê neteweyan jî hene.
— Mem Ararat (@araratmemm) February 9, 2025
Bi min ruhê neteweyan ziman û çanda neteweyan e. Dema ziman dimre çand jî dimire û dîrok tenê dibe rûpelekî ji pirtûkan.
Dostno divê em kurdî hilbijêrin.
Kurdbûn bêyî kurdî nabe!
