Hewlêr (Rûdaw) - Li bajarê Kelarê yê herêma Germiyanê erdhejeke bi hêza 4,5 pileyan rû da.
Erdhej şeva borî derdora demjimêr 00:00an çêbû.
Pişporê Jeolojiyê Mihemed Kemal ji Rûdawê re got, “Pîleya erdhejê 4,5 bû û kûrahiya wê 10 kîlometre."
Mihemed Kemal her wiha diyar kir ku navenda erdhejê herêma Mêxasê ya li rojhilatê Kelarê bû.
Berdevkê Desteya Keşnasî û Erdhejnasiyê ya Îraqê Amir Cabirî jî ji Rûdawê re got:
"Erdhej bi dûrahiya 10 kîlometreyan ji navçeya Xaneqînê çêbûye û pîleya wê 4,2 bû."
Hinek şêniyên herêmê pêwendî bi Rûdawê re kir û wan got ku li derdora Kelarê jî wan hest bi erdhejê kiriye lê "ne pir bi hêz bû."
Li hêla din, hinek dîmenên kêliya erdhejê ji Rûdawê re hatin şandin.
