Hewlêr (Rûdaw) – Serokwezîrê Herêma Kurdistanêl Mesrûr Barzanî bi boneya Cejna Newrozê peyamek belav kir.
Serokwezîr Mesrûr Barzanî got, “Ez germtirîn pîrozbahiyê li seranserê Kurdistaniyan dikim.
Bi taybetî Newroza Pêşmergeyên qehreman û hêzên Asayîşa Navxweyî û kesûkarên şehîdan ên serbilind û Enfalkiriyan pîroz dikim.”
Serokwezîrê Herêma Kurdistanê di berdewamiya peyama xwe de wiha got:
“Ez spasî gelê xweragir û welatparêz ê Kurdistanê dikim ku îradeya bihêz a gelê Kurdistanê, dihêle em bi geşbînî li paşerojeke baştir binêrin.
Em hêvîdar in di paşerojeke nêz de, em bikaribin hikûmeteke nû ya bihêz û yekgirtî pêk bînin.
Hêvîdar in bi awayekî baştir û hêjatir, berdewam bikin li ser karnameya xwe ya çaksaziyê û zêdetir xizmeta hemû welatiyên Herêma Kurdistanê bikin, welatê xwe ber bi qonaxeke pêşketîtir û geştir ve bibin.
Newroza we pîroz be. Xwedayê mezin Kurdistan û Kurdistanîyan biparêze.”
.jpg&w=3840&q=75)
