Hewlêr (Rûdaw) - Li navçeya Maciranê ya parêzgeha Sêwazê ya Bakurê Kurdistanê otobusa rêwiyan wergeriya û 2 kes mirin û 23 kes jî birîndar bûn.
Otobusa ku ji bajarê Yalovayê yê Tirkiyeyê rêwî vediguhastin bajarê Erzinganê yê Bakurê Kurdistanê li navenda navçeya Maciranê ji rê derket û qulibî.
Di encama qezayê de 2 kes li cihê bûyerê mirin û 23 kes jî birîndar bûn.
Li ser agahdarkirinê tîmên tenduristiyê, tîmên AFADê û cendirme çûn cihê bûyerê.
Tîmên tenduristiyê birîndar birin nexweşxaneyên cuda yên Sêwazê.
