Hewlêr (Rûdaw) - Li navçeyên Gever û Şemzînanê yên parêzgeha Colemêrgê ya Bakur Kurdistanê li deverên bilind paqijkirina berfê didome.
Li Gever û Şemzînanê tîmên berpirsiyar kar û xebatên paqijkirina berfê didomînin û hewl didin rêyên girtî vekin.
Ekîbên Îdareya Taybet a Bajêr li herêma ku stûriya berfê cih bi cih digîhije 3-4 metreyan, ji bo vekirina rêyên herêma hin baregehan dixebitin.
Ekîb hefteyeke ku guh nadin rewşa hewayê ya nebaş, berfê paqij dikin û hinek rê vekirin.
Ji bo ku rêyên mane jî bên vekirin, xebat dewam dikin.
Parêzgeha Colemêrgê yek ji parêzgehên ku herî zêde berf lê dibare û heta nivê meha hezîranê jî berf nahele.
