Hewlêr (Rûdaw) – Ciwanê 16 salî yên ku li Colemêrga Bakurê Kurdistanê ketibû Avaşînê hîn jî nehatiye dîtin.
Li navçeya Geverê ya parêzgeha Colemêrgê ciwanê bi navê Nêçîr (Îbrahîm) Kom 10ê vê mehê dema bi hevalên xwe re ji bo geştê diçe herêma Oremarê dikeve Çemê Avaşînê û winda dibe.
Tevî hemû hewlan jî heta niha Nêçîr Komê 16 salî nehatiye dîtin.
Hewldanên ji bo dîtina Nêçîr ji 10ê Gulanê ve didomin lê heta niha ti encam nîne.
Xebatên lêgerînê di bin serkêşiya AFADê de tên meşandin û gelek tîm beşdarî xebatan dibin.
Tîmên ku li wî cihê ku Nêçîr ketiye çem lêgerînê dikin, li kêleka çem jî digerin.
Malbata Nêçîr jî li herêmê ye û li benda xeberekê ye.
