Hewlêr (Rûdaw) - Li parêzgeha Amedê ya Bakurê Kurdistanê di navbera du koman de pevçûna bi çekan derket û 3 kes birîndar bûn.
Li Amedê şeva borî di navbera du komand de ji ber sedemeke nehatiye zanîn pevçûn derket û piştre wan bi çekan êrişî hev kir.
Li ser agahdarkirinê tîmên tenduristiyê û polîs çûn cihê bûyerê.
Di pevçûnê de 3 kes birîndar bûn û rewşa kesekî giran e.
Derbarê bûyerê dest bi lêpirsînê hat kirin û ji bo kesên reviyane kar û xebatên hêzên ewlehiyê berdewam dikin.
