Hewlêr (Rûdaw) – Partiya Welatparêzên Kurdistanê (PWK), Partiya Sosyalîst a Kurdistanê (PSK) û Partiya Maf û Azadiyan (HAK-PAR) li Amedê bi boneya Cejna Qurbanê çûn serdana hev.
Heyeta PWKyê ya ku ji Serokê Teşkîlata Amedê ya PWKyê Yusuf Aydin û rêvebirên PWKyê Mehmet Alî Yilmaz û Mehmet Bîlen pêk hatibû, îro li Amedê çû serdana HAK-PAR û PSKyê û cejna her du partiyan pîroz kir.
Li HAK-PARê, Serokê Teşkîlata Amedê ya HAK-PARê Mustafa Okumuş û rêvebirên HAK-PARê Giyasettîn Demîrbaş, Vasfî Kahraman, Turan Îl, Abdullah Çelebî û rêvebirê berê yê HAK-PARê Paşa Akdogan heyeta PWKyê pêşewazîya kir.
Li PSKyê jî Serokê Giştî yê PSKyê Bayram Bozyel û rêvebirên PSKyê heyeta PWKyê pêşewazîya kir.
Eynî rojê, Serokê Teşkîlata Amedê ya HAK-PARê Mustafa Okumuş û heyteke HAK-PARê û Serokê Teşkîlata Amedê ya PSKyê Musa Çelîk û heyeteke PSKyê cuda cuda PWK ziyaret kirin û wan cejna PWKyiyan pîroz kir.
Alîkarê Serokê Giştî yê PWKyê Mehmet Can Azbay, Vahît Aba û rêvebirên PWKyê heyetên PSK û HAK-PARê pêşewazî kirin.
