Hewlêr (Rûdaw) - Dijîterora Kurdistanê ragihand ku îro bi rêya sê dronên bombebarkirî êrişî 2 parzûngehên petrolê yên Zaxoyê hatiye kirin.
Dezgeha Dijîterora Kurdistanê îro di daxuyaniyekê de belav kir:
"Li gorî agahiyên me, saet 06:00 û 06:15ê sibeha îro bi rêya du dronên bombebarkirî êrişî parzûngeha petrolê ya DNOyê ya li Pêşxabûra Zaxoyê hat kirin."
Her wiha di beşeke din a daxuyaniyê de hat gotin, "Saet 07:00ê sibehê bi rêya droneke bombebekirî êrişî ser parzûngeha petrolê ya DNOyê ya li Tawkêya Zaxoyê hat kirin."
Dijîterora Kurdistanê amaje bi wê yekê jî kir, "Ji bilî ziyana madî ya ku gihîştiye parzûngehan, di êrîşan de ti ziyana canî çênebûye."
DNO kompanyayeke petrolê ya Norwêcê ye, operatora sereke ya parzûngehên petrolê yên Tawkê û Pêşxabûrê ye.
#VÎDEO - Dijîterora Kurdistanê: Li Zaxoyê êrişî 2 parzûngehên petrolê hat kirin
— RudawKurdi (@RudawKurdi) July 16, 2025
🎙️ Nûçegihanê Rûdawê Xerîb Mecîd li cihê êrişekê ye û agahiyên herî nû dide pic.twitter.com/TntDA6OwxO
