Hewlêr (Rûdaw) - Li navçeya Suşehriyê ya Sêwaza Bakurê Kurdistanê, minîbûsa ku karkerên demsalî yên berhevkirina findiqan tê de bûn wergeriya.
Di qezayê de 3 karkeran canê xwe ji dest da û 18 karker jî birîndar bûn.
Li gorî zanyariyan, minîbûsê karkerên ji parêzgeha Rihayê ya Bakurê Kurdistanê ji bo berhevkirina findiqan dibirin parêzgeha Orduyê ya Tirkiyeyê.
Li ser agahdarkirinê, gelek tîmên tenduristî û rizgarkirinê sewqî cihê bûyerê hatin kirin.
Hat ragihandin ku rewşa tenduristiya 4 karkerên birîndar giran e. Birîndar ji bo nexweşxaneyên li navçeyê û Sêwazê hatin veguhastin.
Parêzgariya Sêwazê derbarê bûyerê de daxuyaniyek nivîskî belav kir û ji bo malbatên karkerên ku canê xwe ji dest daye sersaxî xwest.
#VÎDEO - Li Sêwazê minîbûsa karkeran wergeriya
— RudawKurdi (@RudawKurdi) August 5, 2025
🔴3 kesan canê xwe ji dest da û 18 kes birîndar bûn pic.twitter.com/zQnj5goGjH
