کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Êrişa Îsraîlê ya li Libnanê / Wêne: Reuters

Êrişa Îsraîlê ya li Libnanê / Wêne: Reuters

Rojhilata Navîn

Îsraîlê êrişî Libnanê kir: 5 kes hatin kuştin

Maseya Edîtoran

Maseya Edîtoran

20-06-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran20-06-2026

Nûçeyên Têkildar

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye
Rojhilata Navîn18-11-2026

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye

Israel Katz: Em ji Libnan, Sûriye û Xezeyê venakişin
Rojhilata Navîn18-11-2026

Israel Katz: Em ji Libnan, Sûriye û Xezeyê venakişin

Artêşa Îranê: Eger Amerîka şaşiyekê bike em dê bersivê bidin
Rojhilata Navîn18-11-2026

Artêşa Îranê: Eger Amerîka şaşiyekê bike em dê bersivê bidin

Hewlêr (Rûdaw) - Tevî gotegotên agirbestê jî Îsraîlê îro dîsa êrişî başûrê Libnanê kir.

Medyaya fermî ya Libnanê ragihand ku ji destê sibehê ve herî kêm 12 herêmên li başûr rastî bombebaranên giran ên Îsraîlê hatine.

Di encama van êrişan de herî kêm 5 kes mirine.

Îsraîlê her wiha bi topavêjan bajarê Nebetiyeyê û derdora wê topbaran kir.

Di encama van êrişan de li bajarokê Erebselîmê 3 kes û li Dêrzahranê jî kesek hatin kuştin.

Dema ku droneke Îsraîlê li ber deriyê bajarokê Diwêrê li motorsîkletekê xist kesekî din jî mir.

Doh roja înê berpirsekî Amerîkayî ragihandibû ku bi navbeynkariya Amerîka û Qeterê li ser wê yekê gihîştine lihevkirinekê ku şerê di navbera Îsraîl û Hizbulahê de raweste.

Balyozê Îsraîlê yê Amerîkayê jî got ku welatê wî dê pêbendî agirbestê bibe bi mercê ku Hizbulah jî pêbend bibe lê belê ragihandina agirbestên bi vî rengî berê jî nekarîbû êrişên her du aliyan rawestîne.

Tenê roja înê di êrişên Îsraîlê yên li başûr û rojhilatê Libnanê de 47 kes hatin kuştin.

Îsraîlê jî ragihand ku 4 leşkerên wê hatine kuştin û îdia kir ku zêdetirî 150 êriş pêk anîne û "bi dehan çekdarên Hizbulahê" kuştine.

Pirsgirêka sereke çi ye?

Li gorî wê peymana ku hefteya borî di navbera Amerîka û Îranê de hatibû îmzekirin, diviyabû şerê li Libnanê jî bihata rawestandin.

Ji bo veqetandina pirsgirêka Libnanê ya ji şerê mezin ê herêmê, ji meha nîsanê ve di bin zexta Amerîkayê de Libnan û Îsraîlê li Washingtonê dest bi dan û standinên rasterast kirine.

Biryar e roja sêşemê gera pêncem a guftûgoyan dest pê bike.

Nêrîna Netanyahu û Amerîkayê

Doh Serokê Libnanê Joseph Aoun ji Wezîrê Karên Derve yê Amerîkayê Marco Rubio re ragihand ku beriya bipêşketina dan û standinên bi Îsraîlê re pêdiviya wan bi agirbesteke giştî heye.

Li aliyê din, berpirsên Amerîkayê û heta Donald Trump jî dilgiraniya xwe ya li ser vî şerî anîbû ziman.

Lê belê Serokwezîrê Îsraîlê Benjamin Netanyahu roja înê ducare kir ku hêzên wan "heta dema ku pêwîst bike" dê li başûrê Libnanê bimînin.

Şer kengî dest pê kir?

Ev şerê niha destpêka meha adarê dest pê kir.

Hizbulahê ji bo tolhildana kuştina Rêberê Komara Îslamî ya Îranê ku di êrişa Amerîka û Îsraîlê de hatibû kuştin, bi mûşekan êrişî Îsraîlê kiribû.

Îsraîlê jî bi êrişên asmanî û bejahî bersiv dabû.

Nûçeyên Têkildar

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye
Rojhilata Navîn18-11-2026

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye

Israel Katz: Em ji Libnan, Sûriye û Xezeyê venakişin
Rojhilata Navîn18-11-2026

Israel Katz: Em ji Libnan, Sûriye û Xezeyê venakişin

Artêşa Îranê: Eger Amerîka şaşiyekê bike em dê bersivê bidin
Rojhilata Navîn18-11-2026

Artêşa Îranê: Eger Amerîka şaşiyekê bike em dê bersivê bidin

Pirsên