کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Wezîrê Karên Derve yê Tirkiyeyê Hakan Fîdan / Wêne: AA

Wezîrê Karên Derve yê Tirkiyeyê Hakan Fîdan / Wêne: AA

Rojhilata Navîn

Hakan Fîdan: Eger PKK li Şingalê bêçek bibe em dê ji Îraqê vekişin

Maseya Edîtoran

Maseya Edîtoran

26-09-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran26-09-2026

Nûçeyên Têkildar

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye
Rojhilata Navîn18-11-2026

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye

Israel Katz: Em ji Libnan, Sûriye û Xezeyê venakişin
Rojhilata Navîn18-11-2026

Israel Katz: Em ji Libnan, Sûriye û Xezeyê venakişin

Artêşa Îranê: Eger Amerîka şaşiyekê bike em dê bersivê bidin
Rojhilata Navîn18-11-2026

Artêşa Îranê: Eger Amerîka şaşiyekê bike em dê bersivê bidin

Hewlêr (Rûdaw) - Wezîrê Karên Derve yê Tirkiyeyê Hakan Fîdan ragihand ku eger Îraq çekên komên çekdar û bi taybetî yên PKKyê yên li Şingalê kontrol bike, Tirkiye amade ye ku hebûna xwe ya leşkerî ya li Îraqê "qonax bi qonax" kêm bike û bi dawî bîne.

Hakan Fîdan îro li New Yorkê li ser hevdîtina Serokkomarê Tirkiyeyê Recep Tayyîp Erdogan û Serokwezîrê Îraqê Elî Zeydî axivî.

Fîdan ev hevdîtin wekî civîneke "baş" nirxand û da zanîn ku pirsgirêka Şingalê yek ji mijarên sereke yên gotûbêjan bûye.

Bêçekkirina PKKyê li Şingalê

Wezîrê Karên Derve yê Tirkiyeyê diyar kir ku ew piştgiriyê didin armanca hikûmeta Îraqê.

Bi taybetî wî behsa girîngiya bêçekkirina deverên di bin kontrola PKKyê de kir ku bi gotina wî Şingal di serê van herêman de ye.

Baregeha Başîqayê û vekişîn

Fîdan li ser hebûna leşkerî ya Tirkiyeyê ya li Îraqê jî daxuyanî dan.

Wî anî zimên ku Baregeha Başîqayê li ser daxwaza Îraqê û ji bo rûbirûbûna terorê hatiye vekirin.

Li gorî gotina Fîdan, dema nexşerêya Îraqê ya ji bo bidawîkirina terorê bi cih were, Tirkiye dê hewl bide ku hebûna xwe li wir qonax bi qonax kêm bike û bi temamî biqedîne.

Fîdan da zanîn ku Erdogan di hevdîtinê de vîna Tirkiyeyê ya di vî warî de nîşanî Îraqê daye.

Wî destnîşan kir ku piştî ku PKK ji Şingalê hat derxistin ew dê gavên pêwîst biavêjin.

"Em dê hinek pêngavan biavêjin"

Wezîrê Karên Derve yê Tirkiyeyê Hakan Fîdan li ser mijarê ev agahî dan:

“Serokkomarê me li vir Serokwezîrê Îraqê pêşwazî kir. Civîneke baş bû û gelek mijar hatin gotûbêjkirin.

Mijara Şingalê yek ji wan mijarên girîng bû. Di kongreya rojnamegeriyê ya piştî civînê de xalek derket holê.

Em bi kêfxweşiyeke mezin dibînin ku aliyê Îraqî ji bo bêçekkirina hemû komên çekdar ên li wî welatî armanceke siyasî daniye. Em piştgiriyê didin vê nêrînê."

Hakan Fîdan li ser hevahengiya bi Îraqê re wiha pê de çû:

"Di dema pêkanîna vê yekê de, bi taybetî standina çekan ji wan cihên ku di bin kontrola PKKyê û komên ser bi wê ve ne ji xwe re wekî armanc daniye ku Şingal di serî de ye.

Hebûna leşkerî ya Tirkiyeyê ya li Îraqê, bi taybetî Baregeha Başîqayê ji bo rûbirûbûna terorê bi Îraqiyan re û li ser vexwendina wan hatibû vekirin.

Niha, hema ku nexşerêya Îraqê ya ji bo bidawîkirina terorê û komên çekdar bi cih were, Tirkiye jî dê bifikire ku hebûna xwe ya li wir qonax bi qonax kêm bike û bi dawî bîne. Serokkomarê me vîna xwe ya di vî warî de nîşan da. Înşelah piştî ku hebûna koma terorîst a li Şingalê bi dawî hat, bê guman em dê jî hinek pêngavan biavêjin.”

Nûçeyên Têkildar

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye
Rojhilata Navîn18-11-2026

Amerîkayê êrişî Girava Qeşmê kir û Îranê ragihand ku wan droneke Amerîkayê xistiye

Israel Katz: Em ji Libnan, Sûriye û Xezeyê venakişin
Rojhilata Navîn18-11-2026

Israel Katz: Em ji Libnan, Sûriye û Xezeyê venakişin

Artêşa Îranê: Eger Amerîka şaşiyekê bike em dê bersivê bidin
Rojhilata Navîn18-11-2026

Artêşa Îranê: Eger Amerîka şaşiyekê bike em dê bersivê bidin

Pirsên