.jpg&w=3840&q=75)
Hewlêr (Rûdaw) - Parlamenterê DEM Partiyê yê Agiriyê Sirri Sakik, bersiveke tund da Serokê Giştî yê Partiya Zaferê Umît Ozdag û ew wekî “bazirganê siyasetê” bi nav kir.
Sirri Sakik li ser hesabê xwe yê Xê daxuyaniyek belav kir û bersiv da gefên Umît Ozdag yên li dijî Baroya Îzmîrê ku ji ber helwesta wan a li hemberî Selahattîn Demîrtaş û Gultan Kişanak hatibûn rojevê.
Sakik di peyama xwe de bal kişand ser gotinên Şaredarê Boluyê Tanju Ozcan û her du wekî hevalên nêzîk bi nav kir.
"Bazirganê siyasetê namzedê xwe firot"
Sakik di peyama xwe de anî ziman ku ji ber baweriya xwe nedixwest dest bide vê mijarê lê ji bo temamkirina "lîsteya kêm" ev daxuyanî daye û got:
"Ez vî bazirganê siyasetê yê ku namzedê xwe yê serokkomariyê li Golbaşiyê bi 9 donim erd firotiye û namzedê wî datînim serê lîsteyê.
Hevalê wî yê nêzîk wekî ku doh şêr bûye îro jî li Boluyê derketiye dadgehê û gotiye, 'Ez êdî bibim pisîk.'"
"Zordariya li hemberî yên bêhêzan tirsonekî ye"
Sakik bi bîr xist ku kesên bi vî rengî eger sê rojan di girtîgehê de bimînin dê bibêjin "ez pisîk im" û wiha pê de çû:
"Hûn jixwe her tim pisîk bûn. Êrîşkirina ser mirovên ku ji şer reviyane û xwe spartiye vir, êrîşkirina ser Kurdan bi piştgiriya hêza dewletê û çûna ser mirovên xizan ti kesî nake şêr. Zordariya li hemberî yên bêhêzan ne mêranî ye, tirsonekî ye."
"Şêr Seyîd Riza û Demîrtaş in"
Sirri Sakik di berdewamiya daxuyaniya xwe de pênaseya "şêrbûnê" kir û got:
"Şêrbûn ne ew e ku tu xwe bispêrî yê bihêz û êrişî yê bêhêz bikî, şêrbûn ew e ku bedela wê çi dibe bila bibe, tu li pişt nirxên xwe yên ku pê bawer î rawestî.
Şêr Seyîd Riza ye, Denîz Gezmîş e. Îbrahîm Kaypakkaya ye ku serî da û sir neda. Mazlum Dogan e ku zindana Amedê veguherand dibistana berxwedanê. Gultan Kişanak e, Selahattîn Demîrtaş e, Fîgen Yuksekdag e."
Ozdag çi gotibû?
Serokê Giştî yê Partiya Zaferê Umît Ozdag, parvekirina doh a Sirri Sakik wekî "jêgirtin" parve kiribû û jê re gotibû: "Sirri pir diêşe. Raweste Sirri, tu yê hîn bêhtir biêşî."
.jpg&w=3840&q=75)
