Hewlêr (Rûdaw) - Li Stenbolê 13 kes bi tohmeta “li ser medyaya civakî propagandaya PKKê kirine” hatin desteserkirin.
Ekîbên Şaxa Têkoşîna Dijî Terorê ya Rêveberiya Ewlehiya Stenbolê ji bo kesên ku li ser medyaya civakî ku tê îdiakirin propagandaya PKKê kirine bên girtin xebat dan destpkirin.
Di operasyoneke hev dem de 13 kes li Bayrampaşa, Bahçelîevler, Bagcilar, Esenyurt, Eyupsultan, Esenler, Gazîosmanpaşa, Kuçukçekmece, Sultangazî û Pendîkê hatin desteserkirin.
Li gor medyaya Tirkiyê li navnîşana kesên hatine desteserkirin, dest bi ser “gelek demançeyên derewîn û weşanên qedexe” de hatiye girtin.
Hat zanîn ku li navenda ewlehiyê karûbarên yasayî derbarê kesên ku hatine desteserkirin de berdewam in.
Karên şikbaran li ewlehiyê dewam dikin.
.jpg&w=3840&q=75)
