Hewlêr (Rûdaw) - Federasyona Komeleyên Jinan a Tirkiyeyê ragihand ku li Tirkiye û Bakurê Kurdistanê di 8 mehên destpêkê yên sala 2023yan de 271 jin hatine kuştin.
Federasyona Komeleyên Jinan a Tirkiyeyê, "Rapora Cînayetên Jinan a Tebaxa 2023yan" eşkere kir.
44 jin ji aliyê mêran ve hatine kuştin
Li gorî raporê, meha tebaxê 44 jin ji aliyê mêran ve hatine kuştin û 15 jinan jî bi awayekî biguman canê xwe ji dest daye.
Di meha Tebaxê de 21 jin ji aliyê hevjînê xwe ve hatine kuştin.
Herwiha 17 jin bi çekan û 9 jin bi kêran hatine kuştin.
Di 8 mehan de 271 jin hatine kuştin
8 mehên destpêkê yên sala 2023yan 271 jin hatine kuştin.
Piraniya jinan bi çekan û ji aliyê hevjînê xwe ve hatine kuştin.
108 jinên ku hatine kuştin zewicî bûne, 67 jin jî nezewicî bûne.
Nehatiye zanîn bê ma 74 jinên ku hatine kuştin zewicî bûne yan nezewicî.
