Hewlêr (Rûdaw) - Li navçeya Acipayamê ya parêzgeha Denîzliyê ya Tirkiyeyê, şeva borî kaneke kromê herifî.
Di encama herifînê de 2 kesan canê xwe ji dest da û kesek birîndar bû.
Li gundê Karaîsmaillerê yê navçeya Acipayamê, şeva borî ji ber sedemeke nediyar kana kromê herifî û 3 kes di bin de man.
Li ser agahdarkirinê tîmên parastina sivîlan, tîmên AFADê û tîmên tenduristiyê çûn cihê bûyerê.
Di encama xebata tîman de Kadîr Ozer û karker Rifat Salman bi mirîtî û karkerê bi navê Mustafa Karahan jî bi birîndarî ji madenê hatin derxistin.
Tîmên tenduristiyê Mustafa Karahan rakir Nexweşxaneya Zanîngeha Pamukkaleyê.
Termên Kadîr Ozer û Rifat Salman jî veguhastin morga heman nexweşxaneyê.
Parêzgarê Denîzliyê Omer Faruk Coşkun çû cihê bûyerê û ragihand ku derbarê bûyerê de lêpirsîna dadî hatiye destpêkirin.
.webp&w=3840&q=75)
