Hewlêr (Rûdaw) - Wezareta Karên Olî û Weqfan a Herêma Kurdistanê ragihand ku zimanê Kurdî jî li rêbera Hec û Umreyê tê zêdekirin.
Berpirsê Giştî yê Hec û Umreyê yê Herêma Kurdistanê Nîyaz Şêx Raxib, beşdarî Kongreya Hec û Umreyê ya li bajarê Cideyê yê Erebistana Siûdiyê bû.
Wezareta Karên Olî û Weqfan ya Herêma Kurdistanê li ser kongreyê daxuyanî da.
Li gorî daxuyaniyê, şandeya Herêma Kurdistanî pêşniyar kiriye ku Kurdî jî li rêbera Hec û Umreyê were zêdekirin.
Herwiha hat ragihandin ku pêşniyar ji aliyê Wezîrê Hec û Umreyê yê Erebistana Siûdiyê Tewfîq Rabîa ve hatiye erêkirin.
Berpirsê Giştî yê Hec û Umreyê Niyaz Şêx Raxib li ser mijarê ji Rûdawê re axivî.
Şêx Raxib diyar kir ku wî pêşniyariya rêbera Kurdî kiriye û got:
“Beriya niha, ji bilî Kurdî bi piraniya zimanên cîhanê talîmat û rêberên olî hebûn.
Îro Wezîrê Hec û Umreyê û berpirsên payebilind ên Erebistana Siûdiyê, di konferansê de amade bûn.
Min daxwaz kir ku Kurdî jî li talîmatan were zêdekirin.
Min got, Kurdî zimanê 40 milyon mirovî ye û bi sed salan e Kurd ji bo hecê têne vî welatî.”
Şêx Raqîb diyar kir ku rayedarên Siûdiyê bi kêfxweşî pêşniyariya wan qebûl kiriye û ji bo biryarê bixin meriyetê, dê rojên pêşiya me bi Rêveberiya Hec û Umreyê ya Herêma Kurdsitanê re bikevin nava pêwendiyê.
.webp&w=3840&q=75)
