Hewlêr (Rûdaw) - Li bajarê Denîzliyê yê Tirkiyeyê, 2 kesan bi çekan êrişî kafeteryaya Nexweşxaneya Zanîngeha Pamukkaleyê kir.
Di vê bûyerê de 7 kes birîndar bûn û rewşa tenduristiyê ya du kesan xerab e.
Li ser agahdarkirinê gelek tîmên tenduristiyê û polîs çûn cihê bûyerê.
Hat ragihandin ku her heft birîndar li Nexweşxaneya Zanîngeha Pamukkaleyê tên tedawîkirin.
Li cihê êrişê 15 qepsûn hatin dîtin û hat zanîn ku kesên hatine birîndarkirin ji bo serdana nexweşan çûbûn nexweşxaneyê.
Li aliyê din, hêzên ewlehiyê ji bo desteserkirina her du êrişkaran dest bi xebatan kir.
.webp&w=3840&q=75)
