Hewlêr (Rûdaw) - Hemasê ragihand ku ew 4 leşkerên jin ên Îsraîlî radestî Îsraîlê bikin.
Îsraîlê jî da zanîn ku wan navên wan 4 dîlan wergirtine.
Berdevkê Hemasê Ebû Ubeyde da zanîn:
“Di çarçoveya rêkeftina bihevguherîna dîlan, Ketîbeyên Qesamê biryar da ku 4 leşkeran jin berde.”
Ofîsa Serokwezîrê Îsraîlê Binyamîn Netanyahu jî ragihand ku wan bi rêya navbeynkaran navên 4 dîlan wergirtine.
4 dîlên ku dê werin berdan Karina Ariv, Nama Levi, Daniela Gilboa û Leary Albag in.
Li Xezeyê 19ê mehê agirbesta di navbera Hemas û Îsraîlê de dest pê kir.
Hemasê 3 jinên dîlên Îsraîlî berdan û radestî Xaça Sor a Navneteweyî kirin.
Li hemberî vê yekê, Îsraîlê 90 girtiyên Filistînî ku piraniya wan jin û zarok bûn ji girtîgehan derxistin û berdan.
Li gorî rêkeftinê, divê Îsraîl ji deverên sivîlan vekişe û deriyê alîkariyên mirovî veke.
Ev qonaxa yekem a agirbestê ye ku dê 42 rojan berdewam bike.
Di vê qonaxê de dê Hemas 33 dîlan berde.
Her du alî dê di qonaxa yekem de dan û standinan bikin da ku li ser qonaxa duyem li hev bikin ku rawestandina yekcarî ya şer e û piştre jî avakirina herêmê ye.
Agirbesta Xezeyê 15ê mehê li Dohayê bi navbeynkariya Qeter, Misir û Amerîkayê hat ragihandin.
Şerê li Xezeyê 7ê Çiriya Pêşîn a 2023yan dest pê kir û Hemasê nêzîkî 250 kes wekî dîl girtin.
Berdevkê Hemasê Ebû Ubeyde ragihand:
— RudawKurdi (@RudawKurdi) January 24, 2025
🔴 ❝Em dê sibe 4 dîlên Îsraîlî Karina Ariv, Daniela Gilboa, Nama Levi û Leary Albagê berdin❞#Hamas #Gaza #Israel pic.twitter.com/EWcbFxDAeG
.jpg&w=3840&q=75)
