Hewlêr (Rûdaw) - Li navçeya Şîşlî ya bajarê Stenbolê yê Tirkiyeyê sê rojan qedexeya çalakiyan hat ragihandin.
Qeymeqamiya navçeya Şîşlî ya Stenbolê li ser mijarê daxuyaniyek belav kir.
Qeymeqamiyê di daxuyaniyekê de ragihand ku wan ji 9 heta 11ê Adara 2025an hemû çalakiyên wekî xwenîşandan, civînên girseyî û daxuyaniyên çapemeniyê qedexe kerine û bêyî destûr rê ji wan çalakiyan nayê dayîn.
Her wiha qeymeqamiyê di daxuyaniya xwe de îdia dike ku hinek “komên marjînal” li ser medya civakî çalakî organîze kirine û dixwazin bê destûr wan çalakiyan bikin û bi vê yekê dê hewl bidin aramiya bajêr û welatiyan têk bidin, ji ber wê ew qedexe hatiye ragihandin.
