Hewlêr (Rûdaw) - Serokê Herêma Kurdistanê Nêçîrvan Barzanî û Wezîrê Parastinê yê Tirkiyeyê Yaşar Guler di çarçoveya Foruma Dîplomasiyê ya Antalyayê de civiyan.
Serokatiya Herêma Kurdistanê ragihand, “Her du aliyan pêvajoya aştiyê ya li Tirkiyeyê girîng û dîrokî bi nav kir û tekezî li ser girîngiya xebata ji bo serkeftina pêvajoyê kir.”
Foruma Dîplomasiyê ya Antalyayê doh li bajarê Antalyayê yê Tirkiyeyê dest pê kir û Serokê Herêma Kurdistanê Nêçîrvan Barzanî yek ji wan serokên ku hatine vexwendin e.
Serokatiya Herêma Kurdistanê li ser civîna Serokê Herêma Kurdistanê Nêçîrvan Barzanî û Wezîrê Parastinê yê Tirkiyeyê Yaşar Guler di daxuyaniyekê de got:
“Her du alî li ser girîngiya bipêşxistina karên hevbeş û hevahengiyê ya di navbera welatên herêmê de, ji bo parastina aramiyê û dûrxistina herêmê ya ji pirsgirêk û aloziyan hevfikr bûn.”
Serokatiyê di daxuyaniya xwe de da zanîn ku di civînê de pêwendiyên Tirkiyeyê yên bi Îraq û Herêma Kurdistanê re û hevkariya ji bo “parastina aramiya herêmê” hatin gotûbêjkirin.
Her wiha derbarê rewşa Îraqê û pêşhatên herêmê bîr û raman guherîn.
Serokê Herêma Kurdistanê Nêçîrvan Barzanî û Wezîrê Parastinê yê Tirkiyeyê Yaşar Guler civiyan
— RudawKurdi (@RudawKurdi) April 12, 2025
Serokatiya Herêma Kurdistanê:
🎙️ ❝Her du aliyan pêvajoya aştiyê girîng û dîrokî bi nav kir❞#ADF2025 #MEET4DIPLOMACY pic.twitter.com/n5R0GP4GuT
Nêçîrvan Barzanî doh di çarçoveya Foruma Dîplomasiyê ya Antalyayê de bi Serokkomarê Tirkiyeyê Recep Tayyîp Erdogan û Serokkomarê Sûriyeyê Ehmed Şer re civiya.
Serokê Herêma Kurdistanê îro jî Wezîrê Karên Derve yê Rûsyayê Sergey Lavrov re civiya û wan tekezî li ser hevkariya dualî kir.
Serokê Herêma Kurdistanê Nêçîrvan Barzanî di çarçoveya Foruma Dîplomasiyê ya Antalyayê de bi Wezîrê Parastinê yê Tirkiyeyê Yaşar Guler re civiya#ADF2025 #MEET4DIPLOMACY pic.twitter.com/vJM1iRcRhY
— RudawKurdi (@RudawKurdi) April 12, 2025
