Hewlêr (Rûdaw) - Li parêzgeha Karabukê ya Tirkiyeyê careke din agir bi daristanê ket û di çarçoveya tedbîran de gundek hat valakirin.
Roja Sêşemê agir bi beşeke daristana Karabukê ketibû û piştî hewldanan hatibû kontrolkirin.
Şeva borî agir dîsa geş bû û li ser agahdarkirinê tîmên agirvemirandinê çûn cihê bûyerê.
Hat ragihandin ku balafirek, 5 helîkopter, 121 wesayîtên kar û 511 karmend midaxeleyî şewatê dikin.
Ji ber metirsiyê gundê Aricakê yê girêdayî navenda bajêr hat valakirin.
Parêzgarê Karabukê Mustafa Yavuz çû herêmê û xebatên vemirandina agir berdewam dikin.
