Hewlêr (Rûdaw) - Li navçeya Erdemliyê ya Mêrsînê mînîbusa karkerên çandiniyê wergeriya.
Di vê qezayê de 5 kes mirin û 14 kes jî birîndar bûn.
Mînîbusa bi plakaya 33 VLP 55 a ku karkerên çandiniyê vediguhastin li Taxa Aydinlarê li devera Avgadiyê wergeriya.
Li ser agahdarkirinê tîmên tenduristiyê, cendirme û tîmên agirvemirandinê sewqî cihê qezayê hatin kirin.
Tîman diyar kir ku 5 kesên di wesayîtê de mirine û her 14 birîndar rakirin nexweşxaneyên li derdorê.
Lêkolîna tîman a li cihê qezayê berdewam dike.
