Hewlêr (Rûdaw) - Di çarçoveya maçên Kupaya Cîhanê ya 2026an de tîma Norwecê bi encama 4-1 zora tîma Îraqê bir.
Ev têkçûna Îraqê di demekê de ye ku doh Serokwezîrê Îraqê Elî Zeydî ji ber vê maçê biryarek dabû.
Li gorî biryarê, ji bo ku karmend li maçê temaşe bikin, hemû karmendên fermî dê îro saet 10:00an biçin ser karê xwe.
Stêrkê navdar ê Norwecê Erling Haaland di maça xwe ya yekem a Kupaya Cîhanê de performanseke baş nîşan da.
Erling Haaland di vê maçê de 2 gol avêtin.
Haaland di nîvê yekem ê maçê de, gola yekem a Norwecê avêt.
Lê piştî demekê êrişberê Îraqî Aymen Husên gola wekheviyê avêt û nîvê yekem 1-1 bi dawî bû.
Lê di nîvê duyem de, Norwecê serdestiya xwe ya li stadyumê nîşan da.
Erling Haaland goleke din jî avêt û Norwec 2-1 ket pêş.
Piştre Leo Ostigard gola sêyem a tîma xwe avêt.
Di xulekên dawî yên maçê de jî Aymen Husên bi xeletî golek avêt torên tîma xwe.
Bi vî awayî maç bi encama 4-1 bi dawî bû.
Bi vê encamê re Norwecê 3 puanên yekem ên koma xwe standin.
