Hewlêr (Rûdaw) - Werzişkara Kurd Aynaz Mîkaîla ji Seqizê di şampiyoniya tekwandoyê ya navneteweyî ya Rûsyayê de bû yekem.
Wê di pêşbirkan de madalyaya zêr stand.
Werzişkara ji bajarê Seqizê yê Rojhilatê Kurdistanê Aynaz Mîkaîl 11ê Tebaxa 2026an di pêşbirkên navneteweyî yên Rûsyayê de lîst.
Aynaz Mîkaîl di koma temenê 14 û 15 saliyan de beşdarî pêşbirkan bû û ew di lîstika xwe ya dawî de bi ser ket.
Ew bi vê serkeftinê xwe bû yekem.
Madalyaya zêr stand
Aynazê di lîstika xwe ya dawî de zora hevrika xwe bir ku di beşa 63 kîloyan de bû yekem.
Tekwandokara Kurd, bi vê encamê madalyaya zêr bir mala xwe.
Wê werzişkara Kurd, berê jî li hemberî hevrikên xwe yên navxweyî û biyanî serkeftin bi dest xistibûn.
Ji biçûktiyê ve dest pê kiriye
Aynazê ji temenekî biçûk ve dest bi werzişa tekwandoyê kiriye.
Wê heta niha li Îran, Rojhilatê Kurdistanê û qada navneteweyî gelek madalyayên cuda wergertine.
