کوردیKURDÎENGLISHTÜRKÇEعربي
Rudaw Logo
Zindî
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Fatîh Tekke / Wêne: AA

Fatîh Tekke / Wêne: AA

Werziş

Amedsporê rahênerê Trabzonsporê ji karê wî kir

RÛDAW

RÛDAW

01-09-2026
Guhdarî bike
0:00
0:00
Mezinahiya Nivîsê
RÛDAW
RÛDAW01-09-2026

Nûçeyên Têkildar

Kurdekî ji Kerkûkê li Swêdê bû Alîkarê Serokê Yekîtiya Taekwondoyê
Werziş17-11-2026

Kurdekî ji Kerkûkê li Swêdê bû Alîkarê Serokê Yekîtiya Taekwondoyê

Zarokekî Kurd ê 5 salî derbasî akademiya Liverpoolê bû
Werziş16-11-2026

Zarokekî Kurd ê 5 salî derbasî akademiya Liverpoolê bû

Piştî maça bi Galatasarayê re ji Amedsporê re ceza tê xwestin
Werziş11-11-2026

Piştî maça bi Galatasarayê re ji Amedsporê re ceza tê xwestin

Hewlêr (Rûdaw) - Rahênerê Trabzonsporê Fatîh Tekke piştî têkçûna li hemberî Amedsporê îstifa kir.

Trabzonsporê ragihand ku wan bi lihevkirineke dualî biryara veqetînê daye.

Tîma Deryaya Reş Trabzonspor doh li Ameda Bakurê Kurdistanê li hemberî Amedsporê 2-1 têk çûbû.

Fatih Tekke piştî maçê gotibû, "Berpirsiyarê vê yekê ez im" û berpirsiyariya têkçûnê girtibû ser milên xwe.

Tekke piştî hevdîtina bi birêvebirya Trabzonsporê re dev ji karê xwe berda.

Di civîna di navbera Alîkarê Serokê Trabzonsporê Serkan Kiliç û Fatîh Tekke de, rewşa niha û paşeroja tîmê hat nirxandin.

Piştî civînê, her du aliyan bi lihevkirineke dualî biryar da ku rêyên xwe ji hev veqetînin.

"Berpirsiyarê vê yekê ez im"

Fatîh Tekke piştî têkçûna li hemberî Amedsporê di daxuyaniya xwe de berpirsiyarî girtibû ser xwe.

Tekke ev tişt anîbûn zimên, "Êvareke xemgîn e. Me nekarî lîstikê bixin bin kontrola xwe.

Berpirsiyarê vê yekê ez im. Min êvareke wisa çaverê nedikir. Divê em tavilê vê yekê ji bîr bikin û rabibin ser pêyan.

Tîm dê rabe ser pêyan. Pêdivî ye ku Trabzonspor rabe ser pêyan."

Piştî vê maçê, di encama hevdîtinên di navbera Tekke û birêvebiriyê de biryara veqetînê derket.

Daxuyaniya fermî ya Trabzonsporê

Trabzonsporê bi daxuyaniyeke fermî ragihand ku rêyên wan û Fatih Tekke ji hev veqetiyan.

Di daxuyaniya tîmê de wiha hat gotin:

"Di encama civînên ku hatine kirin de, li gorî berjewendiyên Trabzonsporê û armancên wê yên paşerojê, me bi lihevkirineke dualî biryara veqetînê da."

Trabzonsporê diyar kir ku Tekke di dema peywira xwe ya nêzîkî 18 mehan de alîkariyeke girîng daye tîmê.

Her wiha hat destnîşankirin ku li gel pêşxistina lîstikvanan, di warê werzişî û aborî de jî destkeftî hatine bidestxistin.

Berê îstîfaya wî nehatibû qebûlkirin

Fatîh Tekke berî niha jî di tûra play-offê ya Lîga Ewropayê ya UEFAyê de piştî têkçûna li hemberî Ferencvarosê îstîfa kiribû.

Lê birêvebiriya Trabzonsporê ev îstîfaya wî qebûl nekiribû.

Birêvebiriya Trabzonsporê wê demê di daxuyaniya xwe de ragihandibû ku ew dê li gel Tekke rêya xwe bidomînin.

Piştî têkçûna 2-1 a li hemberî Amedsporê, hevdîtinên hatine kirin bûn sedema bidawîhatina serdema Fatîh Tekke.

 

Nûçeyên Têkildar

Kurdekî ji Kerkûkê li Swêdê bû Alîkarê Serokê Yekîtiya Taekwondoyê
Werziş17-11-2026

Kurdekî ji Kerkûkê li Swêdê bû Alîkarê Serokê Yekîtiya Taekwondoyê

Zarokekî Kurd ê 5 salî derbasî akademiya Liverpoolê bû
Werziş16-11-2026

Zarokekî Kurd ê 5 salî derbasî akademiya Liverpoolê bû

Piştî maça bi Galatasarayê re ji Amedsporê re ceza tê xwestin
Werziş11-11-2026

Piştî maça bi Galatasarayê re ji Amedsporê re ceza tê xwestin

Pirsên