Hewlêr (Rûdaw) - Di destpêka sezona nû ya Lîga Şampiyonan a UEFAyê de, VfB Stuttgartê li mala xwe şampiyona Norwêcê Viking Stavanger pêşwazî kir.
Tîma Almanyayê VfB Stuttgart 3-1 bi ser ket û di vê serkeftinê de rola Ermedin Demirovic û lîstikvanê Kurd Denîz Undav gelekî mezin bû.
Şeva dîrokî û hat-tricka Demirovic
Maç di rojeke dîrokî de hat lîstin çimkî tîma Stuttgartê rojbûna xwe ya 133yan pîroz dikir.
Lîstikvanê Bosnayî Ermedin Demirovic bû stêrka şevê.
Wî di nava 13 xulekan de 3 gol avêtin û hat-trick kir.
Golên Demirovic di xulekên 20, 26 û 32yan de hatin.
Bi vê serkeftinê, ew bû lîstikvanê yekem ê Stuttgartê ku di Lîga Şampiyonan de hat-trickê dike.
Rahêner Sebastian Hoeness xuleka 61ê Demirovic ji lîstikê derxist û alîgiran çepikeke mezin jê re lê da.
Denîz Undav bi asîstan derket pêş
Stêrka Kurd Denîz Undav, her çendî îsal di 4 maçan de (324 xulek) gol neavêtibe jî di vê maçê de lîstikeke bêqisûr nîşan da.
Undav du asîstên gelekî xweşik ji bo Demirovic kirin.
Golên duyem û sêyem bi pasên wî hatin tomarkirin.
Stuttgartê nîşan da ku eger Undav golê neavêje jî dikare bi asîstên xwe tîma xwe li ser pêyan bihêle.
Di xuleka dawî ya maçê de (90+4) derfeteke mezin ket destê Undav lê şens pê re nebû û goka wî li stûna qeleyê ket.
Rêzgirtina beriya maçê
Li stadyumê 57 hezar û 500 temaşevan amade bûn.
Tîma Norwêcê ya ku du rahênerên wê hene, tenê golek avêt.
Ew gol jî xuleka 22yan ji aliyê Zlatko Tripic ve hat tomarkirin.
Beriya ku hakem maçê bide destpêkirin, ji bo Şahê Norwêcê Haraldê ku di 89 saliya xwe de miribû û ji bo qurbaniyên lehiyê yên li Nepal û Tîbetê xulekekê rêz hat girtin.
