Hewlêr (Rûdaw) – Tîma futbolê ya Hewlêrê, di lîstika nîvfînalê ya Kûpaya Iraqê de, li hemberî tîma Bexda Hedûdê bi encama 1-0 bi ser ket û di dîroka xwe de cara ewil derbasî fînalê bû.
Li Bexdayê di lîstika nîvfînalê ya Kûpaya Iraqê de, li her du tîmên Hewlêr û Bexda Hedûd hatin hemberî hev.
Nîva yekem a lîstika Hewlêr û Bexda Hedûdê bê gol bi dawî bû.
Lîstikvanê Tîma Hewlêrê yê bi navê Mehmûd Xelîl, xuleka 52yan golek avêt û tîma xwe 1-0 xiste pêş.
Piştî vê golê hewlên tîma Bexda Hedûdê yên ji bo guhertina encamê bi ser neketin û lîstik bi encama 1-0 di berjewendiya tîma Hewlêrê de bi dawî bû.
Tîma Hewlêrê di dîroka xwe de cara yekem e ku di Kûpaya Iraqê de derket fînalê.
Li aliyê din, dê roja sêşemê rîkebera tîma Hewlêrê ya fînalê dê diyar bibe.
Tîma Qiwe Cewiyeyê û tîma Kerxê roja seşêmê têne hemberî hev û kîjan ji wan bi ser bikeve dê dibe rîkebera tîma Hewlêrê.
"Hêvî dikim kupa îsal were Hewlêrê"
Piştî lîstikê, Parêzgarê Hewlêrê Umêd Xoşnav ji Rûdawê re got: “Em ê bi hemû hêza xwe piştgiriya Hewlêrê bikin û soza xwe ya ji bo lîstikvanan bi cih bînin. Hêvî dikim kupa îsal were Hewlêrê.”
.jpg&w=3840&q=75)
