Hewlêr (Rûdaw) - Li paytexta Sûriyeyê Şamê di dema amadekariyên merasîma Aşûreyê de teqînek çêbû.
Di teqînê de 5 kesan canê xwe ji dest da û 21 kes jî birîndar bûn.
Ajansa fermî ya Sûriyeyê SANAyê ragihand, di teqîna li taxa Seyîde Zeynebê ya Şamê de 5 kesan canê xwe ji dest da û 21 kes jî birîndar bûn.
Rêxistina Mafên Mirovan a Sûriyeyê jî ragihand ku teqînê di dema amadekariyên merasîma Aşûreyê de rû daye.
Teqînê bi otomobîleke bombebarkirî rû da û ji bilî zerara canî, çend otomobîl û avahiyên li derdorê jî xisareke zêde dît.
Ev teqîna duyem e ku di maweyê 48 demjimêrên borî de li Şamê çêbûye.
Li taxa Seyîde Zeynebê ya Şamê teqînek çêbû, kuştî û birîndar hene. pic.twitter.com/o0jyV2Hyn8
— RudawKurdi (@RudawKurdi) July 27, 2023
