Hewlêr (Rûdaw) - Hêzên Sûriyeya Demokratîk (HSD) Balafirgeha Leşkerî ya Dêrezorê kontrol kir.
Hat zanîn ku Artêşa Sûriyeyê ji balafirgehê vekişiyane û HSD lê bi cih bûye.
Rewangeha Mafên Mirovan a Sûriyeyê (SOHR) da zanîn ku hêzên Hikûmeta Sûriyeyê bi carekê re ji Dêrezorê vekişiyane.
Midûrê SOHRê Ramî Ebdulrehman got, “Hêzên rejîmê û lîderên komên ku dilsozê Îranê ne ji nişka ve ji Dêrezorê û çoltera wê vekişiyan.”
SOHRê her wiha diyar kir ku Tehrîr El Şam û komên çekdar ji rojhilatê Humsê ber bi Palmîrayê ve diçin.
Sûriye rojavayê çemê Feratê kontrol dike ku di nava Dêrezorê re derbas dibe û rojhilatê çêm jî di destê Hêzên Sûriyeya Demokratîk de ye.
Her wiha hînek dîmên tên ku Artêşa Sûriyeyê ji rojavayê Dêrezorê vedikişe.
#VÎDEO - Artêşa Sûriyeyê ji rojavayê Dêrezorê vedikişe
— RudawKurdi (@RudawKurdi) December 6, 2024
🛑 Hêzên Sûriyeya Demokratîk (HSD) Balafirgeha Leşkerî ya Dêrezorê kontrol kiriye pic.twitter.com/HDWschFYRV
