Hewlêr (Rûdaw) - Ewlehiya Navxwe ya Şamê ragihand ku sê kesên têkildarî komkujiya Tedamonê hatine girtin ku sala 2013an ji aliyê endamên rejîma berê ve hatibû kirin.
Ajansa fermî ya nûçeyan SANA ji devê Serokê Ewlehiya Navxwe ya Şamê Ebdulrehman El-Debax ragihand ku "Yek ji kesên sereke yên berpirsiyarê komkujiya Tedamonê hatiye desteserkirin."
El-Debax diyar kir ku di lêpirsînên destpêkê de kesên din ên di komkujiyê de cih digirin tesbît kirine û ji wan 2 kesan hatine girtin.
Her wiha El-Debaxê piştrast kir ku her sê kesên girtî îtiraf kiriye ku beşdarî kuştina bi kom a li taxa Tedamonê bûne ku tê de zêdetirî 500 jin û mêr hatine qetilkirin.
Nîsana 2024an rojnameya Brîtanî The Guardianê vîdeoyek weşand ku tê de xuya dibû çawa leşkerên rejîma berê ya Sûriyeyê 41 kesên ku çavên wan hatibûn girêdan û destên wan hatibûn kelemçekirin li taxa Tedamonê ya li başûrê Şamê îdam kirine.
