Hewlêr (Rûdaw) – Wezîrê Berevaniyê yê Fransayê di peyamekê de bo Serokê Herêma Kurdistanê Nêçîrvan Barzanî got, “Ji bo ewlekarî û yekrêziya Kurdistan û Iraqê em dê berdewam bin li ser piştevaniya te.”
Wezîrê Berevaniyê yê Fransayê Sebastien Lecornu ku duh bi serdaneke fermî gihîştibû Herêma Kurdistanê û bi Serokê Herêma Kurdistanê Nêçîrvan Barzanî re civiyabû, îro derbarê vê civînê de peyamek li ser Twîtterê belav kir û ragihand, “Fransa û Herêma Kurdistanê xwedî peywendiyên kûr û bihêz in.”
Sebastien Lecornu herwiha dibêje, “Em keda şervanên Kurd a li dijî terorê tu carî ji bîr nakin. Rêzdar Nêçîrvan Barzanî, spas.”
Di beşeke din a peyama xwe de, Wezîrê Berevaniyê yê Fransayê dibêje, “Ji bo ewlekarî û yekrêziya Kurdistan û Iraqê em dê berdewam bin li ser piştevaniya we.”
Lucognio duh di konferanseke rojnamevanî ya hevbeş a ligel Serokê Hikûmeta Herêma Kurdistanê Nêçîrvan Barzanî de tekez kiribû ku, welatê wî “pêwendî û hevkariyên ligel Herêma Kurdistana Iraqê ji bîr nake.”
Fransa yek ji wan welatan e ku têkeliyên wê yên bihêz li gel Herêma Kurdistanê hene, heta niha her yek ji Serokê niha yê Fransayê Emmanuel Macron û Serokê berê yê Fransayê François Hollande serdana Herêma Kurdistanê kirine û tekezî li ser dostayetî û şirîkatiya ligel Kurdan kirine.
.webp&w=3840&q=75)
