Hewlêr (Rûdaw) - Rûsyayê ragihand, “Amerîka û welatên Ewropayê bi rêya ceza û talankirina samanên xwezayî yên Sûriyeyê aboriya wê xeniqandiye.”
Wezareta Karên Derve ya Rûsyayê bi rêya daxuyaniyekê got:
“Amerîka û welatên Ewropayê bi rêya cezayên neyasayî, qedexekirina hawirdekirina keresteyên avahîsaziyê, derman, kelûpelên bijîşkî û talankirina samanên xwezayî yên Sûriyeyê aboriya vî welatî xeniqandiye.”
“Petrolê û genim didizin”
Herwiha di daxuyaniyê de hat gotin ku “Washington û hevpeymanên xwe bi awayekî neyasayî axa Sûriyeyê ya li bakurrojhilat û başûrê wî welatî dagîr kiriye.”
Li gorî Wezareta Karên Derve ya Rûsyayê Amerîka û hevpeymanên wê “Petrolê û genim didizin û bi qaçaxî difiroşin.”
“Alîkariyên pêwîst ji Sûriyeyê nayên şandin”
Herwiha di dawiya daxuyaniyê de hat gotin, “Ji ber Amerîka û welatên Ewropayê şayîsteyên darayî yên pêwîst nadin, alîkariyên pêwîst ji Sûriyeyê nayên şandin.”
