Hewlêr (Rûdaw) - Ji ber erdhejên ku li Ishikawaya li rojavayê Japonyayê çêbûn 78 kes mirin.
Ajansa Meteorolojiyê ya Japonyayê da zanîn ku 1, 2 û 3yê vê mehê li Nîvgirava Notoya Ishikawayê û peravên wê gelek erdhejên bi mezinahiya 5 û 7an çêbûn.
Hat ragihandin ku ji ber wan erdhejan heta niha 78 kesan cane xwe ji dest daye.
Li Nîvgirava Notoyê îro jî du erdhejên bi hêza 4,8 û 4,9an çêbûne û erdhejên paşekî berdewam dikin.
Li aliyê din, heta niha jî çarenivîsa 50 kesî ne diyar e.
Parêzgariya Ishikawayê jî ragihand ku 300 birîndar tên dermankirin.
Dîsa xisar gihaye 165 dibistan û tesîsan, derdora 30 hezar kesî jî li dibistan û holên werzişê dimînin.
Hat ragihandin ku 2 hezar karmend bi alîkariya makîneyên kar xebatên lêgerîn û rizgarkirinê didomînin.
