Hewlêr (Rûdaw) – Li eyaleta Katsinayê ya Nîjeryayê 24 kes hatin kuştin.
Li gorî nûçeyên medyaya Nîjeryayê, endamên komên çeteyan bi çekan êrişî gundên Unguwar Sarkin Noma, Gangara, Tafi û Koreyê yên eyaleta Katsinayê kir.
Di van êrişan de 24 kes hatin kuştin û gelek kes hatin birîndarkirin ku jin jî di nav wan de hene.
Li Nîjeryayê demên dawiyê gelek êrişên çeteyan û êrişên Boko Haram û ISWAPê (şaxa DAIŞê ya Afrîkaya Rojava ye) rû didin.
Li welêt cezayê daleqandinê heye lê dîsa jî gelek kes ji bo fîdyeyê tên revandin.
Endamên çeteyan êrişî gundan, dibistanan û rêwiyan dikin û fîdyeyê dixwazin.
