Hewlêr (Rûdaw) - Berdevkê (Pentagon) Patrick S. Ryder ragihand ku li Sûriyeyê li Sûriyeyê 9 hezar girtiyên DAIŞî hene.
Berdevkê Wezareta Parastînê ya Amerîkayê (Pentagon) Patrick S. Ryder pirsên Berpirsê Ofîsa Rûdawê ya Washingtonê Diyar Kurde bersivandin.
“Li Sûriyeyê 9 hezar girtiyên DAIŞî hene”
Patrick S. Ryder diyar kir ku metirsiya DAIŞê berdewam dike û got:
“Li gorî min, divê çavên me li ser DAIŞê bin û em piştrast bin ku venagere wê asta 2014an.
Hêzên ewlehiyên yên Îraqê ji bo diyarkirina gefên DAIŞê karekî gelekî baş kir.
Li cihekî wekî Sûriyeyê 9 hezar girtiyên DAIŞî hene û divê ev wekî mijareke girîng were nirxandin.
Em dê ji bo diyarkirina van gefan bi hevbeşên xwe yên Îraqî û yên din re xebatên xwe bidomînin.”
Berdevkê Pentagonê diyar kir ku “rola Amerîkayê ya li Îraqê neguheriye” û li pey çû:
“Amerîka li cîhanê bi hevbeş û hevkarên xwe re dixebite, eger li ser ewlehiya niştimanî ya Amerîkayê û hevbeşên me metirsiyek hebe em dê bi hev re nirxandinan bikin da ku ew metirsî werin nirxandin.”
Divê were gotin ku li Îraq û Herêma Kurdistanê nêzîkî 2 hezar û 500 leşkerên Amerîkayê hene û hinek aliyên Îraqî dixwazin Amerîka ji axa wan derkeve.
Li hêla din, CENTCOMê jî doh ragihand ku li zêdetir ji 20 girtîgehên HSDyê herî kêm 9 hezar DAIŞî hene.
Berdevkê Pentagonê Patrick S. Ryder ji Rûdawê re axivî:
— RudawKurdi (@RudawKurdi) September 3, 2024
"Li Sûriyeyê 9 hezar girtiyên DAIŞê hene" pic.twitter.com/QPXF2n3IOr
.webp&w=3840&q=75)
