Hewlêr (Rûdaw) - Wezîra Karên Derve ya Almanyayê got, "Kobanî sembola têkoşîna qehremaniya Kurdan a li dijî DAIŞê ye."
Heyeta Tehrîr El Şamê (HTŞ) 8ê Kanûna Pêşîn a 2024an Şama paytexta Sûriyeyê kontrol kir û dawî li desthilata Beşar Esed hat.
Piştî ku li Sûriyeyê desthilat ket destê Tehrîr El Şamê (HTŞ) çarenivîsa Kurdan jî tê nîqaşkirin.
Li aliyê din, Tirkiye jî di van demên dawî de gefên operasyona li Kobaniyê zêde kirin
Wezîra Karên Derve ya Almanyayê Annalena Baerbockê li ser Kobaniyê peyamek belav kir.
"Kobanî sembola qehremaniya Kurdan a li dijî DAIŞê ye"
Annalena Baerbockê bajarê Kobaniyê yê Rojavayê Kurdistanê wekî sembol bi nav kir û got:
"Kobanî sembola têkoşîna qehremaniya Kurdan a li dijî DAIŞê ye.
Piştî şerê 14 salan, tişta herî dawî ku divê mirov bike, rijandina xwînê ye."
Her wiha Bearbockê Tirkiye ji parastina Sûriyeyê berpirsiyar dît û anî ziman:
"Berpirsiyariya Tirkiyeyê jî parastina yekparçeyiya axa Sûriyeyê û hêviya aştiyê ye."
#Kobanê ist Symbol für den mutigen Kampf der Kurd*innen gegen den IS. Weiteres Blutvergießen ist das Letzte, was die Menschen nach 14 Kriegsjahren erfahren sollten. Auch die #Türkei steht in Verantwortung, Syriens territoriale Integrität & die Hoffnung auf #Frieden zu erhalten.
— Außenministerin Annalena Baerbock (@ABaerbock) December 17, 2024
