Hewlêr (Rûdaw) - Li bajarê Vancouverê yê Kanadayê kesek bi otomobîlê ket nava qerebalixiya festîvalekê, gelek mirî û birîndar hene.
Polîsên Kanadayê bûyera li bajarê Vancouverê ragihand.
Birêvebiriya Polîsan a Vancouverê di daxuyaniya xwe de anî ziman:
“Îşev piştî saet 20:00an nêzîkî East 41st Avenue û Cadeya Fraserê, kesek ket nava festîvaleke kolanê û di encamê de gelek kes mirin û gelek kes jî birîndar bûn.
Şofêr hat desteserkirin. Em dê agahiyên zêdetir bidin.”
Polîsan hejmara mirî û birîndaran eşker nekir.
Deana Lancasterê Berdevkê Nexweşxaneya Giştî ya Vancouverê ragihand ku nexweşxaneyê gelek kes ji bûyera çalakiya Roja Lapu-Lapuyê ya Fîlîpîniyan qebûl kirine.
Şaredarê Vancouverê Ken Sim jî bi daxuyaniyekê anî ziman:
“Ez ji ber bûyera hovane ya li çalakiya Roja Lapu-Lapuyê rû daye şok bûm û gelekî xemgîn im."
Ken Sim diyar kir ku li ser bûyerê dê agahiyên zêdetir werin dayîn.
Polîsan jî da zanîn ku lêpirsîn berdewam bike û ew dê agahiyên zêdetir parve bikin.
