Hewlêr (Rûdaw) - Wezareta Parastinê ya Rûsyayê ragihand ku wan di şevekê de li gelek herêmên wekî Moskow û Lenîngradê 103 dronên Ukraynayê dane erdê.
Di daxuyaniya wezaretê de hat gotin ku pergalên parastina hewayî yên Rûsyayê di navbera saet 21:50 û 05:50î de dronên Ukraynayê yên bi rengê balafiran xistine xwarê.
Di daxuyaniyê de hat ragihandin ku li herêma Moskowê 3 dron hatine xistin.
Her wiha hat eşkerekirin ku li Tataristanê 4, li herêma Lenîngradê 2, li herêma Smolenskê dronek û bi tevahî 102 dron hatine xistin.
Wezaretê di daxuyaniyeke din got ku li derdora saet 07:00an droneke din a Ukraynayê jî li herêma Lenîngradê hatiye xistin û hejmara dronên xistî bûye 103.
Li hêla din, Hêzên Çekdar ên Ukraynayê ragihand ku artêşa Rûsyayê bi 7 mûşek û 315 dronan êrişî ser Ukraynayê kiriye.
.jpg&w=3840&q=75)