Silêmanî (Rûdaw) – Hunermend Necmedîn Xulamî rexne li vexwendina hunermenda Ereb Heyfa Wehbî ya bo Kurdistanê girt. Xûlamî ji Rûdawê re got: “Ti hunerek ligel Heyfa Wehbî nîne ku bê Kurdistanê û konserekê saz bike. Wê çi heye, bide kurdan? Tenê ger xwe derbêxe?”
Biryare 30ê gulanê hunermend Heyfa Wehbî û Hatim İraqî bên Herêma Kurdistanê û du konseran saz bikin.
Necmedîn Xulamî pirsa wê yekê dike ku niha rojavayê Kurdistanê pêwîstiyekî zêde bi alîkariyê heye û wiha dibêje: “Çima hunermendên ereb û Heyfa alîkariya wan nakin, mixabin xelkê me zêdetir giringiyê didin biyaniyan.”
Hunermend Necmedîn Xulamî behsa konsera xwe û hunermend Nasirî Rezazî ya heftiya borî li Silêmaniyê ji bo komkirina alîkariya bo penaberên rojavayê Kurdistanê kir û got: “Ti bajarekî din alîkariya me nekir, ji bo em bikarin vê konserê li bajarên din jî lidarbixin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse